ကွတ်ခိုင်မြို့အနီးတွင် MNDAA နှင့် စစ်ကောင်စီတို့ တိုက်ပွဲပြင်းထန်

 ကွတ်ခိုင်မြို့အနီးတွင် MNDAA နှင့် စစ်ကောင်စီတို့ တိုက်ပွဲပြင်းထန်

        ရှမ်းပြည်နယ်မြောက်ပိုင်း ကွတ်ခိုင်မြို့အနီးပန်ဆေးကျေးရွာ နှင့် ကုန်းဆာရွာ ကြားတွင်ယနေ့ညနေပိုင်း ၄ နာရီခွဲအချိန်၊ MNDAA နှင့် စစ်ကောင်စီတို့ တိုက်ပွဲပြင်းထန်စွာ ဖြစ်ပွားခဲ့ကြောင်း သတင်းရရှိသည်။

        စစ်ကောင်စီတပ်တို့ စစ်ရေးလှုပ်ရှားမှုပြုနေစဉ်လမ်းခုလပ်တွင် MNDAA တပ်ဖွဲ့တို့ ဖြတ်တိုက်ရာမှ တိုက်ပွဲပြင်းထန်စွာ ဖြစ်ပွားခဲ့ခြင်းဖြစ်ကြောင်းသိရသည်။

        ကွတ်ခိုင် အမြောက်တပ်မှလည်း လက်နက်ကြီး ပစ်ကူမှု ရှိခဲ့ကြောင်း ကွတ်ခိုင်နယ်ခံတစ်ဦးက 7stars News ကို ပြောသည်။

"ညနေ ၄ နာရီကျော်မှာ သေနတ်ပစ်သံတွေကြားရတယ်။ ကွတ်ခိုင် အမြောက်တပ်က လက်နက်ကြီး ၁၀ ကြိမ်ထက်မက ပစ်ခတ်ခဲ့တယ်။ပန်ဆေး အနီးမှာ တိုက်ပွဲ ဖြစ်နေတယ်လို့ပြောတာပဲ။” ဟု ဆိုသည်။

        တိုက်ပွဲအတွင်း နှစ်ဖက် ထိခိုက်ကျဆုံးမှုသတင်းကိုမူ အတည်ပြုနိုင်ခြင်း မရှိသေးပေ။ယခု တိုက်ပွဲဖြစ်ပွားလျက်ရှိသော ဒေသသည်KIA, MNDAA နှင့် TNLA တို့ ပုံမှန်လှုပ်ရှားလျက် ရှိသော ဒေသဖြစ်သည်။

The 7Stars News